"Ал-Каида" уюмунун айтымында, 2-ноябрда Иракта кыйраган америкалык аскерий тик учманы анын жоокерлери атып түшүргөн. Анын ичиндеги эки учкуч тең курман болгон. Күбөлөрдүн айтымында, тик учмага чындап эле ракета тийген. "Ал-Каида" кечээ күнү интернет аркылуу тараткан дагы бир маалыматка караганда, Иракта октябрда барымтага алынган Марокко элчилигинин эки кызматкери жакын арада өлтүрүлөт.