Аргентинанын Мар Дел Плата шаарында болгон антиамерикалык демонстрация маалында акциянын катышуучулары полиция менен мушташты жана дүкөндөрдү талап-талкалашып, бир банкка өрт коюшту. Шаарда жума күнү Американын 34 өлкөсү, анын ичинде АКШ президенти Жорж Буш катышкан 2 күндүк жыйын башталды. Жыйын алдында Буштун Америкада эркин соода зонасын түзүү сунушуна каршы тынч демонстрация өтүп, ага Венесуэланын президенти Хюго Чавес, аргентиналык атактуу футболист Диего Марадоно катышкан.