Париждин чет жакаларындагы тополоңдун эпкини Франциянын башка шаарларына да жетти. Бүгүн таң азанда жаштар автомобилдер менен кампаларды өрттөшүп, куткаруучуларды таш бараңга алышты. Полициянын маалымдашынча, калабачылар Севран маалесинде автобустан чыкмак болгон аялга май чачып туруп, тирүү өрттөп жиберишкенде, айдоочу бечараны араң куткарып, ооруканага жеткирген. Ички иштер министрлиги өткөн түнү жаштар 750дөн ашуун автомобилди өрттөп жиберишкенин билдирди.
