БИШКЕК. Конституциялык кеңешме иштеп чыккан Баш мыйзамдын долбоору 10-ноябрда жалпы элдик талкууга коюлат. Мындай сунушту Кеңешменин 5-ноябрда Бишкекте өткөн жыйынынын катышуучулары колдошту. Бул күнкү жыйынга мамлекет башчы Курманбек Бакиев катышып, сөз сүйлөдү. Анын айтымында, Баш мыйзамдын долбоору 25-декабрга чейин коомчулук тарабынан талкууланат. Андан соң Жогорку Кеңеш же референдум аркылуу кабыл алынат.
