БИШКЕК. Кыргызстандын аткаруу бийлиги өлкөдө өлүм жазасын алып салуу боюнча мыйзам долбоорун жазып, Жогорку Кеңешке сунуштады. Бул тууралуу Акыйкатчы Турсунбай Бакир уулу «Азаттыкка» 7-ноябрда маалымдады. Анын айтымында, эгерде бул мыйзам долбоору парламент тарабынан кабыл алынса өлкөдө өлүм жазасы алынып салынат. Кошумчалай кетүүчү нерсе, Кыргызстанда 1999-жылдан бери өлүм жазасына мораторий жарыяланып, жыл сайын президенттин жардыгы менен кийинкиге жылдырылып келет. Учурда Кыргызстандын түрмөлөрүндө 160дан ашуун өлүм жазасына тартылышкан атуулдар кармалып турушат.
