Азербайжан өкмөтүнүн айтымында, кечээ күнү өткөрүлгөн парламенттик шайлоодо бийликтеги партиянын талапкерлери эң көп добуш алды. Азырынча добуштардын 85 пайызы саналып бүттү жана парламенттеги 125 орундун алтымыш экиси "Ени Азербайжан" партиясынын өкүлдөрүнө тийди. Оппозициянын айтымында болсо, добуш берүү учурунда абдан көп мыйзам бузуулар болду жана шайлоонун жыйынтыктарын алар тааныбайт, добуш берүүгө болсо катталган шайлоочулардын 47 гана пайызы катышты.
