Индонезия полициясы Түштүк Азиядагы эң коркунучтуу террорчулардын бири Азахири Хусин өлтүрүлгөнүн кабарлады. Азахири жардыргычтарды жасоо боюнча адис деп эсептелип, 2002-жылы 200 адамдын өмүрүн алып кеткен Бали курортундагы жардыргычты мына ошол жасаган деп шектелип келген. Өзү малазиялык Азахири «Жамаа Исламия» уюмунун башкы мүчөлөрүнөн болгон. Шейшемби күнү өлкөнүн Ява провинциясындагы Бату шаарчасында бир үйдү полиция курчап, андагы атышууда Азахири Хусин өлтүрүлгөн.
