Бириккен Улуттардын баш катчысы Кофи Аннан бүгүн күтүүсүздөн Багдадка келди жана өлкө премьер-министри Ибрагим ал-Жаафари менен жолукту. 2003-жылдын мартында АКШ Иракка каршы согуш баштагандан бери Аннан өлкөгө келген эмес, анткени Бириккен Улуттар ал согушка уруксат берүүдөн баш тарткан. Бүгүн Багдад шаарындагы базарда бомба жарылгандан кеминде төрт адам өлүп, дагы жыйырмадай киши жараат алды.
