АКШ мамлекеттик катчысы Кондолиза Райс бүгүн Сауд Арабияга келип, падыша Абдулла жана тышкы иштер министри ханзада Сауд ал-Файсал менен жолугуп, кошуна Ирактагы абалды калыбына келтирүү маселелерин талкуулады. Райс айымдын айтымында, Ирактын сунни мусулмандарын саясий жараяндарга катыштыруу иштерине саудиялык жетекчилер жардамдашаарына ал ишенет. Эр-Рияддан кийин Кондолиза Райс Израилге жана андан соң Йорданияга барат.