АКШнын мамлекетик катчысы Йорданияга кыска сапар менен барып, падыша Абдалла менен жолугушту. Анда Райс Аммандагы жардырууларга байланыштуу Йорданияга колдоо көрсөттү. Кондолиза Райс андан кийин Иерусалимге кайра келет. Ал Газа сектору менен Египеттин ортосундагы чек араны ачуу боюнча Израил менен Палестина ортосундагы макулдашууга ортомчу болууга аракеттенүүдө. Чек ара сентябрь айында Израил аскерин чыгаргандан бери жабык турат.
