Премьер-министр Ариел Шарон президент Моше Кацавга кайрылып, Израил парламентин таркатууну жана кезексиз шайлоону келерки мартта өткөрүүнү сурады. Ишемби күнү Жумушчу партиясы Шарон башындагы коалициялык өкмөттүн курамынан чыкканын жарыя кылган. Шарон кезексиз парламенттик шайлоого катышуу үчүн жетектөөчү “Ликуд” партиясынан чыгат жана жаңы орточул кыймыл түзөт, деп күтүлүүдө. Израил Газа тилкесинен чыккандан кийин “Ликуддун” ичинде талаш-тартыштар ырбай баштаган.
