Жапониянын императору Акихито бүгүн Токио шаарында орус президенти Владимир Путинди кабыл алды. Путин өлкөдө үч күн болду жана премьер-министр Дзюнитиро Коидзуми менен жолукканда, эки өлкө ортосундагы экономикалык кызматташууну күчөтүү тууралуу макулдашты, Токио болсо Орусиянын Дүйнөлүк соода уюмуна мүчө болуп кошулушун колдоду. Курил кыркасындагы төрт арал маселеси менен байланыштуу эки мамлекет ортосунда Экинчи дүйнөлүк согуштан бери тынчтык келишими түзүлө элек.
