Ирактын Тикрит шаарындагы мурдагы президенттик сарай бүгүн кайрадан ирактыктардын колуна өткөрүп берилди. Аны буга чейин америкалык аскерлер ээлеп келген. Жыйын өтүп жатканда ага каршы мина атылды, ал жазып тийгендиктен эч ким жапа чеккен жок. Өлкө президенти Жалал Талабани болсо кошуна Иранга келип, кечээ күнү өлкө президенти Махмуд Ахмадинежад менен жолукту. Талабанинин айтымында, Ирак өкмөтүнө каршы согушуп жаткан лашкерлерди талкалоого Тегеран жардамдашаарына ал ишенет.
