БИШКЕК. Президент Курманбек Бакиевдин пикиринде, орус тилинен расмий тил макамын алып салуунун эч кандай зарылдыгы жок жана аны баш мыйзамыдн эски редакциясында көрсөтүлгөндөй эле калтыруу керек. Бул тууралуу президент шаршембиде журналисттердин суроолоруна жооп берип жатып билдирген. Президент ошондой эле орус тилине берилген расмий макамды Конституциядан алып салууга Кыргызстан азыр даяр эмес экенин, андан көрө мамлекеттик тилге көнүл буруу, таасирин күчөтүү туура болоорун белгилеген. Буга чейин бир катар саясий партиялар орус тилинен расмий тил макамын алып салуу демилгеси менен чыгышкан.
