БИШКЕК. Түркия өкмөтү Кыргызстанга 800 миң АКШ доллары өлчөмүндөгү аскердик-техникалык жардам көрсөтөт. Мындай келишимге 25-ноябрда коргоо министринин орун басары Сергей Югай менен Түркиянын Аскер күчтөрүнүн Башкы штабынын оорук башкармалыгынын жетекчиси Юрдаер Олжан кол коюшту. Бул тууралуу Коргоо министрлигинин басма сөз кызматынан билдиришти. Түркия коргоо министрлиги тарабынан берилүүчү азык түлүк, компьютер, автотранспорт жана башка аскердик-техникалык жардам Кыргызстандын аймагындагы аскер бөлүктөрүнө таратылат.
