БИШКЕК. Башкы прокуратурадан 30-ноябрда алынган маалыматка караганда, экс-президент Аскар Акаевге таандык деп саналган мүлктү иликтөө комиссиясынын сунушуна ылайык, 68 иш козголуп, алардын 21и боюнча иш сотко өттү, 7 адам сот жообуна тартылды. Кылмыш козголгон иштердин 27си пансионаттарга байланыштуу, ал эми 27 иш экс-президенттин жубайы Майрам Акаева башкарган эл аралык «Мээрим» кайрымдуулук фонду менен байланышкан. Жалпысынан бул фактылар мамлекетке 400 миллион сом, 22 миллион доллар зыян алып келген.
