Өзбекстандын Ташкен, Сырдарыя жана Анжиян облустарында май айындагы Анжиян окуясына тиешеси барлардын үстүнөн сот жараяны кайра улантыла баштады. Канча адам соттолуп жатканы азырынча белгисиз. Анткени сот жабык түрдө өтүүдө. Анжиян окуясы боюнча 120дан ашуун киши кармалып, алардын алгачкы 15и өткөн айда узак жылдарга кесилген. Анжиян калабасында расмий бийлик 187 адамдын өлгөнүн кабарлаган. Бирок көз карандысыз булактар набыт болгондор алда канча көптүгүн айтып келет.
