Өзбекстандын жогорку соту Анжиян окуялары боюнча дагы 25 кишиге өкүм чыгарды.

Айыпкерлер 12ден 22 жылга чейин түрмөгө кесилди. Өткөн айда Анжиян коогалаңы боюнча15 киши соттолгон эле. Аларга адам өлтүрүү, терроризм, исламчыл топторго мүчөлүк кылуу, өкмөттү кулатууга аракет көрүү деген айып тагылган эле.
Өзбек бийлиги окуяларда 187 киши мерт кеткен деп ырастап келатса, укук коргоочулар өлгөндөрдүн саны андан көп дешүүдө.