Евробиримдикке мүчө өлкөлөр куштар тумоосуна байланыштуу Украинадан канаттуулар этин импорттоого убактылуу тыюу салды. Киевдин өкүлдөрү мындай чара Орусия жана Казакстан тарабынан да кабыл алынганын билдиришти. Украин өкмөтү куштар тумоосу катталгандан бери өлкөдө 50 миңдей канаттуу кырылганын, Крымда 12 айыл жана дагы башка 10 жерде куштардын өлүгү табылганын кабарлашкан. Азырынча ал жердеги вирус адамдар үчүн коркунучтуу экени аныктала элек.
