БИШКЕК. 13-декбарда Жогорку Кеңештин отурумунда онго жакын мыйзамдарга өзгөртүү, толуктоолорду киргизишип бир катар мыйзамдарды кабыл алышты. Жергиликтүү кеңештин депутаттардын статусу жөнүндө мыйзамга өзгөртүүлөрдү киргизүү тууралуу мыйзам долбоору кызуу талкууланды. Парламенттин депутаты Султан Урманаев эгерде аталган мыйзам долбоору кабыл алынса Конституциялык сотко кайрыларын билдирди. Ал эми бир катар депутаттар келечекте облустар жоюла турган болсо облустук кеңешти жоюп, райондук, айылдык, поселкалык кеңешке депутатарды шайлоо жана алардын регламенти тууралуу мыйзам долбооруна кошумча киргизүүнү сунушташты. Талкуудан соң депутаттардын пикир-сунуштары эске алынып, Жергиликтүү кеңештин депутаттарынын статусу жөнүндө мыйзам долбоору кабыл алынды.
