Кечээ күнү Вена шаарында Иран менен үч европалык мамлекеттин өкүлдөрүнүн кезектеги жолугушуусу өткөрүлдү. Алмания, Британия жана Франциянын дипломаттары - Ирандын өзөктүк программаларынан чыккан маселени талкуулады. Тегеран өзүнүн уран байытуу программаларын 2004-жылы убактылуу токтоткон, бирок быйыл жайында аларды кайрадан иштете баштады. Иран жетекчилеринин айтымында, анын программалары өзөктүк курал чыгарууну көздөбөйт.