Чеченстанда белгисиз дарттан жабыркап ооруканага жаткырылган адамдардын саны 73кө жетти. Көпчүлүгү жаш балдар, басымдуу бөлүгү кыздар болгон оорулуулар катталган Шелковский районунда бала бакчалар менен мектептер убактылуу жабылды. Ырасмий бийликтегилер оорулуулар кандай заттан ууланганы, же дарттын себеби эмне экени аныктала электигин айтышууда. Жергиликтүү прокуратура эксперттер оорулуулардан эч кандай химиялык, же башка ууландырчу зат таппаганын билдирди.
