Кечээ Саддамдын абакта АКШлык тергөөчүлөр тарабынан ага каршы күч колдонулганы жөнүндө айткандарын ырасмий Вашингтон “акылга сыйбаган кеп” деп сыпаттады. Саддам өзү менен кошо айыпталып жаткан адамдар да абакта кыйноого туш болгонун билдирген, судья бул маалымат боюнча иликтөө жүргүзүүгө көрсөтмө берди. Ал тапта Иракка күтүүсүз сапар менен Британиянын премьери Тони Блэр барды. Басрада жайгашкан британ аскерлери астында чыгып сүйлөгөн Блэр Иракта тынчтык орносо, бүткүл дүйнө жүзү бейкапар боло түшөт деп белгиледи.
