Орусиянын Санкт-Петербург шаарындагы "Максидом" деген дүкөнгө келген сатып алуучулардын жетимиш сегизи бүгүн белгисиз газ менен ууланганы тууралуу билдиришти жана алардын алтымыш алтысы ооруканага жаткырылды. Орус маалымат каражаттарынын айтымында, дүкөнгө кимдир бирөө меркаптан деген уулуу заты бар айнек ампулаларды алып келип, аларды сындырып жиберген. Шаардын башка аймагында жайгашкан ошол эле дүкөндүн дагы эки бөлүмүндө шектүү суюктук куюлган канистралар табылды.
