Түндүк Кореянын мамлекеттик маалымат агенттиги тараткан кабарга караганда, Түштүк Кореяда бир кезде колго түшкөн түндүк кореялык тыңчылар кечээ күнү Түштүк Корея өкмөтүнө арыз жиберип, кенемте акча талап кылды. Анын өлчөмү бир миллиард долларга жетет, анткени мурдагы туткундардын айтымында, алар абакта сабалып-кыйналган. Түштүк Кореяда колго түшкөн түндүк тыңчыларынын алтымышка жакыны 2000-жылы бошотулуп, мекенине кайтарылган.
