Оорулуу өлкөнүн борбордук аймагындагы Сивас вилайетинен катталган. Эгер бул кабар ырасталса, илдетке чалдыккандардын саны кеминде 15 адамга жетет. Алардын ичинен азыркыга чейин кеминде экөөсү мерт болду. Канаттуунун сасык тумоосу илдети адамдан –адамга өткөнү боюнча азырынча эч кандай маалымат жок. Эксперттердин пикиринде, бейтаптар вирусту канаттуудан жуктуруп алган. Мунун аралыгында Түркиянын ар кайсы аймактарында илдеттин жайылышына жол бербөө максатында миңдеген үй канаттууларын жок кылуу иши уланууда.
