Түштүк Кореянын борбору Сеул шаарында бүгүн Түндүк Кореянын өзөктүк программаларынан чыккан маселе боюнча сүйлөшүү өтүп жатат, ага АКШнын мамлекеттик катчысынын орун басары Кристофер Хилл жана Түштүк Кореянын тышкы иштер министринин орун басары Соң Минсун катышууда. Соң жакында Бээжинге барып, Кытай жетекчилери менен жолугуп келген жана Хилл дагы Сеулдагы сүйлөшүүдөн кийин Бээжинге барат.
