АКШнын тышкы иштер министрлигинин кызматкери Генри Крэмптондун айтымында, акыркы мезгилде кеңири кыруучу куралдын террорчулардын колуна тийүү мүмкүнчүлүгү көбөйдү. Ал тууралуу Крэмптондун интервьюсу бүгүн британиялык "Дейли телеграф" гезитинде чыкты. Анын айтымында, андай курал террорчулар тарабынан эртеби-кечпи, баары бир колдонулат жана ал азыр жөн гана убакыт маселеси. Эң биринчи болуп биологиялык курал колго тийиши мүмкүн.
