БИШКЕК. Жогорку Кеңеш 19-январдагы отурумунда мамлекеттик мүлктү менчиктештирүү боюнча программаны талкуулады. Мамлекеттик мүлктү башкаруу комитети сунуштаган программа боюнча 128 объект менчиктештирилүүгө тийиш. Алардын 66сы мамлекеттик акционердик, алтоо жоопкерчилиги чектелген коомдор, калганы майда ишканалар. Талкуу учурунда депутаттар бул маселени кароодон баш тартышты. Айрым депутаттар аны аталган программага 2004-жылы мурдагы өкмөт башчы Николай Танаев кол койгону, программа жаңы өкмөт тарабынан кайра каралып чыгууга тийиштиги менен негиздешти.
