БИШКЕК. Президент Курманбек Бакиев 24-25-январь күндөрү иш сапары менен Санкт-Петербургда болот. Өлкө башчы Евразиялык экономикалык шериктештикке кирген мамлекеттердин жетекчилеринин кезексиз саммитине катышат. Анда Өзбекстанды Евразеске мүчөлүккө кабыл алуу, Евразес уюмунун алкагындагы кызматташтыкты жакшыртууга байланыштуу айрым маселелер каралат. Саммитте Евразес өлкөлөрүнүн интеграцияланган валюталык рыногун түзүү боюнча кызматташуу жөнүндөгү, уюмга кирген өлколөрдүн чекара кызматтарынын ортосундагы кризистик кырдаалдао орун алган учурларда кызматташтык тууралуу Макулдашууларга кол коюлушу күтулүүдө.
