Пакистандын тергөөчүлөрү өлкөнүн Дамадолла айылына ракеталык чабуулда “Ал-Каэданын” мүчөлөрү каза болгонун далилдеген фактыларды тапкан эмес. Бул тууралуу Пакистандын премьер-министри Шаукат Азиз Нью-Йоркто Бириккен Улуттар Уюмунун баш катчысы Кофи Аннан менен жолугушууда билдирди. 13-январдагы ракеталык чабуулда Дамадолла айылынын 18 тургуну каза болгон эле. Вашингтон аткылоону расмий түрдө мойнуна албаган менен маалымат каражаттары аны АКШ жасаганын кабарлап чыккан.