Непалдын борбору Катманду шаарында бүгүн митингге чыккан эл менен полиция ортосунда кагылышуулар болду. Бир студент катуу жараат алганы жана сегиз адам кармалганы тууралуу кабарланууда. Митингге чыккандар өкмөттөн демократиялык өзгөрүүлөрдү талап кылып жатат. Непалдагы митинг-демонстрациялар 20-январдан бери уланууда, бийлик Катманду шаарында түнкү тартип да киргизген, бирок ал эреже бүгүн алып салынды. 2005-жылдын 1-февралынан тартып өлкө падышасынын укуктары эбегейсиз кеңейтилген.
