Орусиянын Мамлекеттик думасы Маскөөдө иштеген британиялык дипломаттар тыңчылык кылган деген маселени эртең талкууламай болду жана жыйынга Федералдык коопсуздук кызматынын жетекчилиги да чакырылат. Маскөө мындан эки күн мурда Британияын элчилигинин төрт кызматкерин тыңчылыктан күнөөлөгөн жана алар Орусиядагы адам укуктарын коргоочуларга да акчалай жардам берген деп билдирген. Лондондун айтымында, дипломаттар мыйзамга каршы эч нерсе жасаган эмес.
