АКШнын Борбордук чалгындоо агенттиги айрым европалык мамлекеттердин аймагында жашыруун абактарды кармаган деген маселе боюнча түзүлгөн комиссиянын төрагасы Дик Марти бүгүн Страсбург шаарында Европа Кеңешинин жыйынында чыгып сүйлөп, ага жетиштүү далил табылбаганы тууралуу билдирди. Бирок иликтөө дагы улантылат. Ал тууралуу биринчи кабарды ноябрдын башында "Вашингтон пост" гезити жазып чыккан, андан соң Нью-Йорктогу "Хюман райтч вотч" уюму - андай жашыруун абактар Польша менен Румыниянын аймагында түзүлгөн деп кабарлаган.
