Ирактын Байижи шаарында бүгүн белгисиз куралчан адамдар эки немис инженерин барымтага алып кетти. Алар мунай иштетүүчү заводдо эмгектенген. Ал шаар борбор калаадан 180 чакырым алыстыкта жайгашкан жана аймакта мурда көптөгөн куралдуу кагылышуулар болгон. Америкалык аскерий жетекчиликтин айтымында, кечээ күнү Ирактын батыш аймагында эки башка кагылышуудан төрт америкалык аскер курман болду.