Непал мамлекетинин Похара деген шаарында бүгүн падыша Гяндерага каршы уюштурулган демонстрацияга полиция ок атты, жараат алгандар бар. Борбор калаа Катманду шаарында болсо 20-январдан бери өкмөткө каршы митинг-демонстрациялар өтүп жатат, оппозициялык партиялар элге кайрылып, жалпы иш таштоо өткөрүүнү сунуш кылды. Митингчилер өлкөдө демократиялык тартипти калыбына келтирүүнү талап кылууда, анткени былтыр 1-февралдан тартып падыша өзүнө эбегейсиз бийлик чегерип алган.