Белгилүү америкалык актриса Николь Кидман Улуттар уюмундагы ыктыярдуу элчи болуп калды. Ал эми Улуттар уюмунда аялдардын кызыкчылыктарын өнүктүргөн ЮНИФЕМ корунда иштейт. Кидман Улуттар уюмундагы ЮНИСЕФ деген балдар корунда да буга чейин иштеп келген. 2002-жылы “Сааттар” деген тасмадагы ролу үчүн “Оскар” сыйлыгын алган актриса ЮНИФЕМдин ишине былтыр “Котормочу” деген тасмада тартылып жүргөн кезинде кызыга баштаганын айтты. Ал тасма алгачкы ирет тарыхта Улуттар уюмунун баш-кеңсесинде тартылган эле.
