Хамас уюму эл аралык кысымга баш ийбей тургандыгын билдирүүдө

Уюмдун сүргүндөгү жетекчилеринин бири Осама Хамдан Ассошиэйтед Пресс агенттигине Хамас палестиндерге эл аралык жардамды кыскартабыз деген коркутуулардан коркуп калбай тургандыгын айтып, уюм каржылоонун башка жолдорун издеп жаткандыгын билдирди.

Батыш лидерлери өткөн аптадагы шайлоодо жеңип чыккан Хамас куралдуу күрөштөн баш тартып, Израил мамлекетин тааныбаса, жүз миллиондогон доллардык жардамдар кыскартыла тургандыгын эскертишткен эле.