Бортунда 1400дөй жүргүнчү бар кеме Египеттин портунан 90 чакырымдай аралыкта кырсыкка учураган. Ал Сауд Аравиясынан келе жаткан эле. Жергиликтүү расмий өкүлдөрдүн жума, 3-февралдын кечине карата берген маалыматына караганда 100дөй жүргүнчү аман -эсен куткарылды, дагы бир нече кишинин сөөгү табылган. Кырсыктын себептери белгисиз, бирок кеме жолго чыккан кезде деңизде катуу шамал жүрүп жаткан. Кабарларга караганда, жүргүнчүлөрдүн көбү Саудияда иштеген египеттикттер, арасында Меккеге ажылыкка барган зыяратчылар да болушу мүмкүн.
