Мюнхен шаарында өтүп жаткан коопсуздук маселелери боюнча эл аралык конференция учурунда Орусиянын коргоо министри Сергей Иванов кечээ күнү суроолорго жооп берип жатып, март айында Беларуста өтө турган президенттик шайлоо менен байланыштуу өлкөдө козголоң чыкса, Маскөө Беларус бийлигин колдой турганын билдирди. Анын айтымында, президент Александр Лукашенко азыр - Беларус эли эң жакшы көргөн саясатчы жана кандай болгон учурда дагы шайлоодо Лукашенко жеңип чыгат.