10-февралда Жогорку Кеңеш төрагасы Өмүрбек Текебаев депутаттар алдында сүйлөп президент тарабынан айтылган сын пикирлерге жооп берип, алардын көбүн четке какты. Маселен, парламент мыйзамдарды аз кабыл алды деген президенттин сөзү чындыкка дал келбесин белгилеп, 70 ашуун мыйзам президенттин колун күтүп жатканын билдирди. Төрага ошондой эле аткаруу бийлиги паспорт маселесин чечүүнү кечеңдетүүдө деп сынга алды.
