Линктер

ЧУКУЛ КАБАР!
17-Январь, 2022 дүйшөмбү, Бишкек убактысы 07:39

Орловкадагы кырдаал боюнча атайын комиссия иштеши керек


БИШКЕК. Бейөкмөт жана коммерциялык эмес уюмдар ассоциациясы премьер- министр Феликс Куловго жана парламентке кайрылуу жолдоду. Анда Кемин районуна караштуу Орловка айылындагы кырдаалга тынчсыздануу айтылган. Ассоциациянын жетекчиси Токтайым Үмөталиеванын айтымында, Орловкадагы тоо-кен комбинатында иштетилген уулу заттардын калдыктары көмүлгөн жайды жергиликтүү калк казып, экологиялык кырсык коркунучун пайда кылды. Ал жерде пайда табууну көздөгөн адамдар 7 жаштан 60 жашка чейинки жергиликтүү тургундарга акыр-чикир көмүлгөн жайды каздыртып, кремнийдин калдыктарын жана башка металлдарды арзан баада сатып алышып Бишкекке жөнөтүп жатышат. Кайрылууда тезарада атайын комиссия түзүп, ушундай кылмыштуу ишке жол берген адамдарды жазалоо өтүнүчү айтылган.

XS
SM
MD
LG