Дания өкмөтү Индонезиядан, Ирандан жана Сириядан дипломатиялык кызматкерлерин түгөл чакыртып алат. Копенгагендин бул кадамын Индонезиянын тышкы иштер министри Хассан Виражуда шашкалактык деп атап, ырасмий Жакарта даниялык элчилердин коопсуздугуна кепилдик берээрин белгиледи. Бир катар мусулман өлкөлөрүндө Мукамбет пайгамбарга кылапат келтирген такмаза сүрөттөргө байланыштуу Даниянын элчиликтери ташбараң-чабуулга алынып, зыян тарткан.
