Шарондун улуу баласы атасынын саясий кампаниясына мыйзамсыз акча которгону үчүн тогуз айга түрмөгө кесилди жана дагы тогуз ай сыноо мөөнөтүн өтөмөкчү. Омри Шарон өткөн ноябрь айында финансылык документтерди жасалмалап, саясий партияны каржылоо мыйзамдарын бузган үчүн күнөөлүү деп табылды. Өткөн айдан бери эсине келбей ооруканада жаткан премьер Шарондун уулу парламенттеги мандатынан жакында баш тарткан, анын жаза мөөнөтү атасынын акыбалына байланыштуу кийинкиге жылдырылды.
