Мухаммад пайгамбарга тартылган карикатураларга байланыштуу демонстрацияда эки адам өлдү

Демонстрациялар шейшембиде Пакистандын эки жеринде болду. Лахор деген шаардагы акцияда демонстранттар полиция менен кагылыша кетип, эки адам көз жумганы маалым болду.
Исламабатта болсо демонстранттардын толкунун басыш үчүн полиция аларга каршы көздөн жаш чыгаруучу газ колдонду.
Ирандын баш калаасы Тегеранда болсо жаалданган мусулмандар Германия менен Британиянын элчиликтерине колдо жасалган жардыргыч заттарды ыргытып жатышты.