Франциянын тышкы иштер министри Филип Дуст-Блазинин айтымында, Ирандын өзөктүк программалары аскерий максатты көздөйт. Министр ал тууралуу бүгүн сыналгы аркылуу чыгып сүйлөгөндө билдирди. Анын пикиринде, аскерий эмес максаттар менен ал программмаларды актоо мүмкүн эмес. Мындан эки күн мурда Тегеран өзүнүн өзөктүк программаларын кайра баштаганын расмий түрдө жарыялаган. Кечээ күнү Венесуэлага келген Иран парламентинин спикери Голамали Хаддад Адел болсо бул өлкөнүн өзөктүк технологияга ээ болуу ишинде Тегеран жардам бере алат деп билдирди.
