Бейшембиде кечкисин Минск шарында беларусиялык оппозициянын 20 дай өкүлү кармалды. Бул жөнүндө кабарлаган Итар-Тасс маалымат агенттиги “Алар уруксатсыз митинг өткөрүп жатышканын” жазды. Шаардын борбордук аянттарынын биринде оппозициянын жүздөн ашуун активисти кол-кармашып, шам көтөрүп турушкан. Оппозиционерлер көп жылдардан бери камакта жаткандарга жана белгисиз жоголгондордун үй-бүлөлөрүнө колдоо көрсөтүү максатында митинг уюштурушканын айтышты.