БИШКЕК. Кытай Кыргыз темир жолу үчүн поезд вагондорун, тепловоз жана электровоздорду алып келмек болууда. Бул тууралуу Кытайдан келген делегация менен вице- премьер министр Медетбек Керимкуловдун жолугушуусунда белгилүү болду. Кытай бул жардамды Шанхай кызматташтык уюмунун жеңилдетилген кредиттик тармагы боюнча берет. Кыргыз темир жол башкармалыгын жетекчиси Нариман Түлеев Азаттыкка билдиргенге караганда, учурда бул долбоорго адистер экономикалык эсеп- кысап жүргүзүүдө. Бирок, Түлеевдин пикиринде, 60 миллион доллар кредит кыргыз тарап үчүн оордук кылат.
