БИШКЕК. Ош шаарында кармалган өзбекстандык 58 кыздын 49 Өзбекстанга депортацияланды. Ал эми калгандарынын ишин улуттук коопсуздук кызматы иликтөөдө. Бул тууралуу Кыргызстандын чек ара кызматынын басма сөз кызматынан 22-февралда кабарлашты. Аларды өз өлкөсүнө кайтарууга Кыргызстанга кирүүгө визасы жоктугу себеп болгон. Ушул айдын 14үндө Ош аба майданынан Бириккен Араб Эмираттарына учуп жаткан 61 кыз кармалып, алардын 58 Өзбекстандын, калгандары Кыргызстандын Тажикстандын жана Түркмөнстандын атуулдары экени аныкталган.
