Мурдагы Югославия боюнча эл аралык трибунал бүгүн Гаага шаарынан билдиргенге караганда, босниялык серб генералы Ратко Младич дагы кармала элек. Айрым маалымат каражаттары кечээ күнү кечинде жана бүгүн - генерал кармалды деген кабар тараткан. 1990-жылдарда Босниянын ичинде өз алдынча Босниялык серб жумурияты түзүлгөндө, 1995-жылдын июлунда Сребреница шаарында сегиз миңге жакын мусулман кырылган жана аны генерал Ратко Младич уюштурган деп шектелүүдө. Андан тышкары ага - Сарай-Босна шаары серб аскерлери тарабынан төрт жыл бою курчоодо кармалганда 12 миң адам курман болгону менен байланыштуу да күнөө коюлган.
